Sangkuriang Nyaleg (36)

Herdi Pamungkas

• Lalakon Sangkuriang Nyaleg, karangan Herdi Pamungkas mangrupa carita rékaan nu jauh tina kanyataan. Boh ngaran tokoh atawa tempat sadayana fiktif. Ieu carita diserat tujuannana taya sanés lintangti hiburan.
• Lalakon Saméméhna, "Mémang salah kitu? Kula kungsi nyarita lamun umur téh geus rébuan taun. Méméh aya gunung tangkuban parahu, radio mah anyar kénéh atuh kakara ratusan taun saprakna aya Walanda ngajajah urang," Naha kira-kirana daékeun Sangkuriang nulungan si Riweuh? Nyanggakeun lalakin salajengna!

"LAIN apal deui, tapi saksi sajarah, palaku sajarah,"

"Wisss, édun, Mang!" si Riweuh ngacungkeun jempol. Dina haténa mah nyarita, masih kénéh aya mangkeluk nu uteukna teu bérés. Tapi da aing mah butuh sotéh ku kasaktiannana, kajeun kurang bérés gé. "Jadi lamun kitu mah Mamang apal ka jalma anu tadi?"

"Apal, Rama Bargawa nya?"

"Nyaan cerdas, Mang. Tina radio téa tapi apalna?"

"Meugeus siah maké nanya kitu sagala? Kawas teu percaya lamun kula nyaho dikieuna." Nyengor.

"Tenang, Mang! Kuring percaya," omong si Riweuh. "Ngan kira-kira meunang henteu kuring pikeun saheulaanan mah nyumput di imah, Mang?"

'Pék téh teuing ari keur saheulaananan mah," Sangkuriang ahirna ngidinan. "Poé geus mimiti nyedek ka peuting," jung cengkat tina diukna.

"Naha, tara-tara, Mang? Soré kénéh biasana ogé apanan Mamang téh nangkring di dieu osok nepi ka peuting. Ménmang jalama anu ditéangan geus pangggih kitu?"

"Kula ragu-ragu?"

"Maksud, Mamang?"

"Rupa na mah enya éta téh manéhna da nyéplés pisan teu bisa dipiveun najan sasieur. Hanjakal lain?"

"Hanjakal lain kumaha?" si Riweuh panasaran.

"Boh ngaran, boh kaayaan béda,"

"Ari ngaran jeung kaayaan mah bisa robah, Mang. Lamun tadi cek Mamang ngaranana béda, kaayaannana béda, tapi dina rupa teu bisa dipiceun najan sasieur,"

"Teuing lamun kitu mah, Lur?" Sangkuriang ngahuleng. Na haté leutik mah bangun panuju kana pamanggih si Riweuh.

"Naha teu ditanyakeun atuh? Paingan Mamang ampir tilu bulan ngiles, meureun nepungan éta jalma?" babalédogan.

"Bender, Lur."

"Nyaan , hébat Mang. Sukur ari geus panggih mah, kuring ngilu bungah,"

"Nya anu jadi pasualan téh tadi téa?" Sangkuriang mencétan tarang bangun rieut.

"Bisa waé pohoeun deui,".***

Hanca....