Sangkuriang Nyaleg (66)

Herdi Pamungkas

• Lalakon Sangkuriang Nyaleg, karangan Herdi Pamungkas mangrupa carita rékaan nu jauh tina kanyataan. Boh ngaran tokoh atawa tempat sadayana fiktif. Ieu carita diserat tujuannana taya sanés lintangti hiburan.
• Lalakon Saméméhna, Sangkuriang teu nyarita deui ukur neuteup sakeudeung ka tukang parkir, laju malik ninggalkeun éta patempatan.

TUKANG parkir bati simeuteun, teu ngarti kana naon rupa anu diomongkeun ku Sangkuriang, nu diteuteupna jongjon leumpang muru ka imah kontrakanna nu pernahna tungtung gang.

"Nyaan, poé ieu loba jalma anéh nu geus kabandungan ku kuring?" jung cengkat markiran deui, dibarengan ku hulang-huleng.

Keur jongjon markiran rentang-rentang aya nu datang, éta jalma téh tarurun tina mobil anu cik kéneh diparkirkeun ku manéhna.

"Mang,"

"Kulan, ka, abdi, Sun?"

"Lain ka ka ucing!" omong nu nanya bari seuri kuda.

"Baruk, dipalih mana ucingna da wayah keiu mah teu acan aya?"

"Naha maké teu acan aya? Ucing naon maksud Mamang?"

"Ucing gering,"

"Ah, naha jigjig ka dinya, Mang!" omongna.

"Euh, ari manéh kunaon, Pir? Dititah nanyakeun imah Sangkuriang nyari jadi aka mana mendi!" omong dununganana.

"Da si Mamang anu kitu téh?" supir nyalahkan tukang parkir.

"Salira, Nun. Anu tadi naroskeun ucing? Naha ngalepatkeun abdi simkuring," jawab tukang parkir, ngarasa teu ngeunah ogé disalahkeun teu puguh-puguh.

"Pir, maneh mah geus ngalegaan deui ka mana mendi nyarita téh. Langsung kana poin atuh, ulah maké jeung kudu néngan kambing hitam sagala?"

"Deuh, asa lieur ngabandungan jalam kiwari, ti tadi kénéh. Nu hiji ngomongkeun ucing gering, nu ieu ngomongkeun kambing congé, aéh hitut, hitam. Mana nu waras,"

"Naon, Mang? Kalahka nyarita sorangan diajak ngomong ku kuring téh?" omong supir.

"Henteu, Nun. Ieu mah nyarios téh dina manah wé,"

"Tuh, ngajauhan deui!"

"Nebihan kumaha, Nun."

"Jig-jig ka Sukahaji sagala, aéh Sukamanah?"

"Pir, meugeus atuh! Nanya anu bener,"

"Mangga, Juragan," ngarindat ka tukang parkir. "Ditanya téh ulah ngajawab ka mana mendi atuh, Mang. Lamun bener jawabanna nilaina saratus,"

"Siap, Nun. Naon atuh anu ditaroskerun téh?"

"Ngadon malik nanya ari si Mamang?"

"Hilap deui, Nun. Tadi aya ucing gering, kambing hitam,"

"Sangkuriang kontrakanna nu anu mana!" potong supir.

"Oh, éta. Gampang atuh, tuh dilebet gang, mentok, éta kontrakanana,"

"Kontrakan nana?"

"Muhun, Nun,"

"Kuring nanya téh kontrakan Sakuriang,"

"Muhun, Nun,"

"Ah, geus, Pir! Hayu asup!" juragan nyurungkeun tonggong supir sangkan leumpang ti heula.

"Antos, Nun," tukang parkir namprak.***

Hanca...